ჭკვიანი და ელეგანტური ეფექტურობა

HONGQI E-QM5 აერთიანებს კლასიკურ დიზაინსა და თანამედროვე ელემენტებს. ინტერიერი გაწყობილია პრემიუმ ხარისხის მასალებით - ტყავის სავარძლებით, ხავერდის დეტალებით. მინიმალისტური ფორმის ძლიერი განათება ქმნის მყუდრო და დახვეწილ გარემოს. სედანის დიზაინის მთავარი აქცენტი გაბარიტებსა და კომფორტზეა: გათვლილია 5 მგზავრზე, ისე, რომ თითოეულს ჰქონდეს საკმარისი პირადი სივრცე.

მძღოლისა და მგზავრების კომფორტზე ზრუნავს თანამედროვე ტექნოლოგიებიც. ავტომობილი აღჭურვილია ორმაგი ეკრანის სისტემით: LCD პანელისა და ცენტრალური სენსორული ეკრანით, რომელთა ინტუიციური დიზაინი გათვლილია უზრუნველყოს მარტივი წვდომა მანქანის ყველა საჭირო ფუნქციაზე, მათ შორის თანამედროვე საინფორმაციო-გასართობ სისტემაზე, კლიმატ-კონტროლსა და მძღოლის დამხმარე სისტემებზე, როგორიცაა წინა შეჯახების გაფრთხილება და ავტომატუტი საგანგებო დამუხრუჭება.

ავტომობილი აღჭურვილია 55 კვტ/სთ ლითიუმ-იონის ელემენტით, რომელიც უზრუნველყოფს 431 კმ-მდე მანძილის დაფარვას ერთ დამუხტვაზე (NEDC ციკლის მიხედვით). იტენება ძალიან სწრაფად: 50 კვტ DC სწრაფი დამტენით ელემენტის 30%-დან 80%-მდე დატენვას დაახლოებით 30 წუთი სჭირდება, რაც იდეალურია როგორც ქალაქში მოძრაობისთვის, ისე საქალაქთაშორისო მგზავრობებისთვის.